Judo / Kids judo / Tai chi / Ju jistu

club da

budo

Disentis / Mustér

Sonda, ils 4 d’october havein nus fatg ina lavur cumina vid il dojo e pinau tier el pigl unviern: entuorn il baghetg havein nus segau il pastg ed endadens havein nus schubergiau las mattas e las finiastras. Plinavon ha Aluis montau ina ventilaziun che tila l’aria caulda ord il dojo e transportescha quella ellas gardarobas, aschia che nus stuein buca pli schelar igl unviern da sescumiar.

Engraziel fetg a pign e grond che han gidau!

 

   

Dumengia, ils 21 da settember ha giu liug il turnier da scolars ed il campiunadi Grischun da judo a Glion. budo disentis ha priu part al campiunadi cun 5 judocas. Cumbattiu han scolars entochen 14 onns. La concurrenza era ferma ed ils cumbats encunter ils pli rutinai eran grevs. Tuttina han nos judocas mussau bia engaschi e buns cumbats.

Resultads:

Scolars B
-28 kg: Nicola Giossi, 3.rang
40+ kg: Fabio Deragisch, 5. rang; Paco Monn, 7.rang

Scolars A
-36 kg: Lucas Lutz, 3.rang
-45 kg: Damian Deflorin, 1.rang

Coaches: Daniel, Silvio, Martin

Cheu anflas Ti la gliesta da rangaziun cumpleta.

Ils 29 ed ils 30 da fenadur han giu liug en connex cul pass da vacanzas dalla Pro Juventute Cadi in cuors da judo ed in da ju-jitsu en nies dojo. Ils affons denter 7 e 12 onns han duront duas uras astgau empruar ora trics e tecnicas da quels dus sports.

Las vacanzas da stad ein alla fin e nus entschevin puspei a trenar.

Entschatta dils trenaments:
Judo giuvenils e carschi: gievgia, 21 d’uost, 19:30-21:00
Kids judo: venderdis, ils 22 d’uost, judo 18:00-19:15, ju-jitsu 19:15-19:45 (niev)
Ju-jitsu giuvenils e carschi: venderdis, ils 22 d’uost, 20:00-21:30
Kids judo: mesjamna, ils 27 d’uost, 17:45-19:00 (niev)
Tai-chi: mesjamna, ils 27 d’uost, 20:00-21:00

Niev: Al trenament d’affons dil venderdis vegn niev ina mes’ura da ju-jitsu vitier suenter il trenament da judo. Pia ei judo dallas 18:00-19:15 e silsuenter ju-jitsu las 19:15-19:45 per ils affons che vulan. Suenter che plirs affons han mussau interess d’in trenament da ju-jitsu purschin nus en quella fuorma ina pusseivladad da trenament da ju-jitsu per affons da 7 entochen 13 onns. Quei trenament da ju-jitsu sauda denton tier quel da judo e sa mo vegnir frequentaus ensemen cun quel da judo.

Dumengia, ils 15 da zercladur havein nus inaugurau ufficialmein nies niev tatami. La fiasta ha entschiet allas 10:15 cun in plaid da beinvegni dil president Martin Bundi. Silsuenter ha Mario Berther, ch’era prinzipalmein involvaus en quei proiect, teniu il plaid festiv. Allas 11:00 ein ils affons e carschi sepresentai cun ina show da judo e ju-jitsu el dojo. Naven da miezdi havein nus grillau per nus e nos hosps ed era fatg in viva sillas novas mattas.

In remarcabel quen che Mario ha fatg:

„Pia dapi 43 onns fetg jeu judo e quentel ca. ina media da 50 trenaments per onn ga 1.5 uras (3225 uras) sin la matta e da quei crodan ins ca. 100 gadas. Lura sundel curdaus ca. 322’500 gadas. In secund exempel il club consista dapi 43 onns cun ca. 43 jamnas x 160 trenaments cun ina media da commembers da 10 ga 1.5 uras dat 103’200 uras ni 11.80 onns sin la matta. Sch’ins quenta ora contas gadas ch’ils commembers ein curdai dat quei la biala cefra da 4’128’000 curdadas en quei temps.“

Engraziel fetg a tuts che han segidau cun nus ed aschia procurau per ina biala fiasta!

Purschida

Judo per affons

Cumbatter ensemen e buc encunter l’auter... Dis e temps da trenament: mardis e gievgia allas 18:00-19:15 Igl ei adina...

Judo

Cumbat, disciplina e caracter... Di e temps da trenament: gievgia allas 19:30-21:00 Judo ei in sport da cumbat, cunzun...

Ju-jitsu

Sport e metoda da sedefender... Di e temps da trenament: venderdis allas 20:00-21:30 Ju-jitsu ei in sport da cumbat e cuntegn...

Tai-chi

Concentraziun e focus... Di e temps da trenament: mesjamna allas 20:00-21:00 Tai-chi ei in sport, ni meglier detg in’art,...

NEWSLETTER

2

Newsletter 03/2014Turnier intern 2014, Campiunadi Grischun a Glion

3

Newsletter 02/2014Turnier da Juda a Trun, Lavur cumina, turnier intern, Inauguraziun niev tatami

4

Newsletter 01/2014Informaziuns, nova suprastonza
anavos sisum