Judo / Kids judo / Tai chi / Ju jistu

club da

budo

Disentis / Mustér

Ils 5 da december 2014 ha il Sontgaclau e siu fumegl visitau nus el dojo e giu ina massa da raquintar als affons, giuvenils e carschi che treneschan tier nus...

Suenter che il dojo ha survegniu novas mattas ha el uss survegniu nova glisch. Sco emprem havein nus montau novas cazzolas prinzipalas. Tier quellas san ins tschentar en la fermezia dalla glisch. En in secund pass havein nus montau treis „spots“ che glischan sil centrum dil dojo (shomen), pia sil maletg da Jigoro Kano e las duas calligrafias dils prinzipis dil judo.

Ils 31 d’october ed ils 3 da november 2014 han rodund 30 affons da GKB Sport Kids da Mustér e Sedrun visitau nus el dojo per in trenament da judo. Ils trenaders Daniel e Martin han mussau ad els inper trics dil sport da judo e naturalmein ein era giugs buca vegni alla cuorta.

La fin d’jamna dils 22 e 23 da november ha giu liug la fin d’jamna da trenament per ils affons da budo disentis. Il kids weekend ei in event che ha gia ina certa tradiziun tier nus. Nus magliein, trenein e durmin el dojo. Uonn havein entschiet la sonda endamaun cun in solver el dojo. Suenter ha Roger Camenisch menau in trenament cun il tema „midada dalla tecnica sin peis ella tecnica giun plaun“. Gentar ha ei dau macaruns cun sosa da tomata e salata. Il suentermiezdi han ils trenaders Martin Bundi e Roger Camenisch dau trenaments da judo e ju-jitsu. Suenter che tuts eran intec staunchels, essen nus ir mes’ura ell’aria frestga a far ina spassegiada. La sera ha ei dau ina tscheina da fondue el dojo ed era il trenader Daniel Schmid ei vegnius vitier. Suenter la tscheina ha ei lu beinspert giu num da pachetar ora il sac da durmir e sepinar per durmir. La dumengia avonmiezdi ha ei aunc inagada dau in trenament da judo e ju-jitsu.

Ils 25 d’october 2014 ha giu liug il Kids Day 2014 en nies dojo. Kids Day munta in di intenisv da judo, cumbinau cun star da cumpignia el dojo. La damaun allas 9 uras ein 9 affons ed ils trenaders Daniel e Martin sentupai el dojo per solver ensemen. Suenter solver han ils affons survegniu investa el sistem da tecnicas dil sport da judo. Els han empriu che la tecnicas da better vegnan categorisadas tenor la part dil tgierp ch’ei principalmein involvada (better cul pei, better cul maun etc.) e che las fixaziuns giu plaun han adina ina tecnica da basa cun biaras variaziuns. Igl entir avonmiezdi essen nus sefetschentai cullas tecnicas da fixar giun plaun. Suenter duas uras da trenament havein nus gentau el dojo. Al suentermiezdi han 6 affons priu part e nus havein trenau duront 3 uras tecnicas da better. Diego e Nicola han mussau tgei ch’ei san ed aschia fadiau la tschenta miez-melna. Igl intensiv di da judo havein nus terminau allas tschun, suenter che tuts han dau tut e mussau bia motivaziun d’emprender novas caussas e da repeter quellas.

Purschida

Judo per affons

Cumbatter ensemen e buc encunter l’auter... Dis e temps da trenament: mardis e gievgia allas 18:00-19:15 Igl ei adina...

Judo

Cumbat, disciplina e caracter... Di e temps da trenament: gievgia allas 19:30-21:00 Judo ei in sport da cumbat, cunzun...

Ju-jitsu

Sport e metoda da sedefender... Di e temps da trenament: venderdis allas 20:00-21:30 Ju-jitsu ei in sport da cumbat e cuntegn...

Tai-chi

Concentraziun e focus... Di e temps da trenament: mesjamna allas 20:00-21:00 Tai-chi ei in sport, ni meglier detg in’art,...

NEWSLETTER

2

Newsletter 03/2014Turnier intern 2014, Campiunadi Grischun a Glion

3

Newsletter 02/2014Turnier da Juda a Trun, Lavur cumina, turnier intern, Inauguraziun niev tatami

4

Newsletter 01/2014Informaziuns, nova suprastonza
anavos sisum